Steimanndli

Stei uf Stei

Stei i d Hand,

chehre, dräihe

luege, gspüre,

probiere, merke,

härelege.

Stei i d Hand

chehre, dräihe,

luege, gspüre,

probiere, merke,

druflege.

Und no eine, und no eine

und no eine - dr Letscht obedruf.

Steine id Balance bringe,

wenn süsch kei Stei ufem andere blibt.

Nüt anders dänke. D Steine und ig.

Ihri Form, ihri Art, eine ufem andere.

Sie diene mim eigete Glichgwicht.

Und: Loslah! Alice Linder